Bu məlumat toplama sistemi, Azərbaycan Respublikası Səhiyyə Nazirliyinin “Analitik Ekspertiza Mərkəzi” publik hüquqi şəxsi (bundan sonra – Qurum) tərəfindən pasiyentlər, pasiyent yaxınları və tibb işçiləri tərəfindən dərman vasitələri və vaksinlərin istifadəsi zamanı yaranan əlavə təsirlər barədə məlumatları toplamaq məqsədi ilə yaradılmışdır.
Sistemin əsası Ümumdünya Səhiyyə Təşkilatının Beynəlxalq Dərman Monitorinqi Mərkəzi tərəfindən hazırlanmışdır və burada təqdim etdiyiniz məlumatlar Ümumdünya Səhiyyə Təşkilatının əlavə təsirlər haqqında qlobal informasiya bazasına ötürüləcəkdir.
Təqdim edilən məlumatlar əlavə təsirləri müəyyən etmək və dərman vasitəsinin istifadəsini mümkün olduğu qədər təhlükəsiz etmək məqsədilə Qurum tərəfindən emal ediləcəkdir. Eyni zamanda təqdim etdiyiniz məlumatlar ilə bağlı Sizinlə əlaqə yaratmağa ehtiyac yarana bilər, bu səbəbdən xahiş edirik əlaqə məlumatlarınızı dolğun və tam olaraq qeyd edəsiniz.
Təqdim etdiyiniz şəxsi məlumatların konfidensiallığı “Dərman vasitələrinin farmakonəzarət Qaydası” nın 19.2-ci bəndinin tələblərinə əsasən (Quruma göndərilən bildirişlərlə bağlı pasiyentin və ya tibb və əczaçılıq işçisinə dair məlumatların konfidensiallığının qorunması üçün Qurum tərəfindən tədbirlər görülür və həmin şəxslərin razılığı olmadan bu məlumatların Qanunda nəzərdə tutulmuş hallar istisna olmaqla, açıqlanmasına yol verilmir) Qurum tərəfindən təmin olunur.
“Şərtlər və qaydalar” mətnini qəbul etdiyinizi təsdiqləməklə, sizin tərəfinizdən təqdim edilən məlumatların / şəxsi məlumatlarınızın yuxarıda göstərilən qaydada emal edilməsi üçün razılıq verirsiniz.
Anlamaq vacibdir ki, əlavə təsir ilə qarşılaşdığınız zaman bu barədə həkiminizə və ya əczaçıya məlumat verməlisiniz, burada məlumat verərək heç bir tibbi yardım almayacağınızı əvvəlcədən bildiririk. Əlavə təsir ola biləcəyindən şübhələndiyiniz bir vəziyyət ilə qarşılaşdığınız zaman:
1. Dərman vasitəsinin istifadəsi üzrə təlimatını oxuyun və qeyd olunmuş əlavə təsirlər yaranan zaman nə etməli olduğunuz barədə lazımi məlumatlar ilə tanış olun.
2. Həkiminizə və ya əczaçıya məlumat verin.
