Dərman vasitələrinin və dərman maddələrinin ekspertizası xidmətlərinin tariflərinin tənzimlənməsi barədə

Dərman vasitələrinin və dərman maddələrinin ekspertizası xidmətlərinin tariflərinin tənzimlənməsi barədə

AZƏRBAYCAN RESPUBLİKASININ TARİF (QİYMƏT) ŞURASI  “Dərman vasitələrinin və dərman maddələrinin ekspertizası xidmətlərinin tariflərinin tənzimlənməsi” barədə 30 yanvar 2021-ci il tarixində  Qərar № 6   qəbul etmişdir. Qərara alınmışdır ki;
1.  Dərman vasitələrinin və dərman maddələrinin dövlət qeydiyyatı ilə bağlı ekspertizası xidmətlərinin tarifləri təsdiq edilsin ;
 2. Ölkəyə idxal olunan və ya ölkə daxilində istehsal olunan dərman vasitələrinin və dərman maddələrinin laborator ekspertizası xidmətlərinin tarifləri təsdiq edilsin;
 3. Bu qərarın 1-ci bəndi ilə təsdiq edilmiş tariflərdə bütün xərclər (o cümlədən dərman vasitələrinin və dərman maddələrinin laborator ekspertizası ilə əlaqədar xərclər) nəzərə alınmışdır.
 4. Müəyyən edilsin ki, ixtisaslaşdırılmış ekspertiza zamanı dərman vasitəsinin əvvəllər dövlət qeydiyyatına alınması üçün ixtisaslaşdırılmış ekspertizaya təqdim olunmuş dozalarından və qablaşdırmalarından fərqləndiyi təqdirdə, yenidən dövlət qeydiyyatına alınması məqsədi ilə hər əlavə doza və qablaşdırma üçün bu qərarla təsdiq edilmiş tarif tətbiq olunur.
5. Azərbaycan Respublikası Tarif (qiymət) Şurasının “Dərman vasitələrinin və dərman maddələrinin ekspertizası xidmətlərinin tariflərinin tənzimlənməsi barədə” 13.05.2016-cı il tarixli 8 nömrəli və “Dərman vasitələrinin və dərman maddələrinin ekspertizası xidmətlərinin tariflərinin tənzimlənməsi barədə” Azərbaycan Respublikası Tarif (qiymət) Şurasının 2016-cı il 13 may tarixli 8 nömrəli Qərarında dəyişikliklər edilməsi haqqında” 06.03.2017-ci il tarixli 2 nömrəli qərarları ləğv edilsin.
 
Qərarə əsasən  tərtib olunmuş yeni tarif   cədvəlinə baxmaq üçün , “Qanunvericilik”  (https://makromed.az/pdfs/95cfdb547fb6dc58176275dea08c45d2.pdf)  bölməsinə nəzər yetirməyiniz xahiş olunur.