Səhiyyə Nazirliyinin Analitik Ekspertiza Mərkəzində dərman vasitələrinin qeydiyyat vəsiqəsinin sahibləri ilə görüş keçirilib

Səhiyyə Nazirliyinin Analitik Ekspertiza Mərkəzində dərman vasitələrinin qeydiyyat vəsiqəsinin sahibləri ilə görüş keçirilib

Azərbaycan Respublikası Səhiyyə Nazirliyi “Analitik Ekspertiza Mərkəzi” (AEM) publik hüquqi şəxsinin təşəbbüsü ilə dərman vasitələrinin qeydiyyat vəsiqəsinin sahibləri üçün toplantı təşkil olunub.

Görüşdə AEM-nin Dərman vasitələrinin qeydiyyatı və ekspertiza şöbəsinin müdiri Həmid Qurbanov, müdir müavini Azər Həsənov, baş mütəxəssisləri Lalə Həmidzadə və Rufana Usubova, Hüquq şöbəsinin müdiri Tamam Həsənova, Baş hüquq məsləhətçisi Nuranə Hüseynova, hüquq məsləhətçisi Fidan Abbasova, hüquq məsləhətçisi Vüqar Abdullayev, Farmakonəzarət şöbəsinin müdiri Fərid Həsənov, Sənədlərin dövriyyəsinin təşkili şöbəsinin müdiri Rasim Mehdiyev, “Bir Pəncərə” sektorunun müdiri Mətin İsmayılov, İctimaiyyətlə əlaqələr və kommunikasiya şöbəsinin müdir müavini Esmira Əkbərova, həmçinin 30-dan çox yerli və xarici şirkətlərinin nümayəndələri iştirak ediblər.

Toplantıda yerli və xarici şirkətlərin nümayəndələri tərəfindən imzalanan 02.08.2024-cü il tarixli müraciət məktubunda qeyd olunan məsələlər, həmçinin “Azərbaycan Respublikasında dərman vasitələrinin qeydiyyata alınması məqsədilə sənədlərinin təqdim edilməsi qaydalarındakı dəyişikliklər” müzakirə olunub. Görüş vaxtı dərman vasitələrinin qeydiyyatından, yenidən qeydiyyat və dəyişiklik prosedurları barədə AEM-nin nümayəndələri tərəfindən şirkət təmsilçilərinə ətraflı məlumat verilib.

Yekunda yerli və xarici şirkətlərin nümayəndələrini maraqlandıran suallar cavablandırılıb.